السلام عليكم ورحمة الله وبركاته
الموضوع مهم مهم مهم
والكلام للذكور
تريد تراقب اختك
وطرق كل واحد منكم تختلف عن الثاني
واكثرها (مو كلها) طرق سخيفة
الي يفتح الايميل مالتهة
والي يراقبهة شدتحجي وية صديقتهة واحيانا تكون صديقتهة دتكوللهة سر انت ميصير تسمعه
وطرق هواية غيرهة
واكثركم ميدرون انه احسن طريقة لمراقبة الاخت هي الكعدة وياها
انت لمن تكعد وياها ما رح تحتاج ولد غيرك يكعد وياها ويسمعها
احيانا البنية يعني تمل مثلا من التعامل بس وية البنات
ف تلجأ للصداقات الي توصلهة للهاوية
وهاي الصداقات اكثر شي تخافون منها انتو
شنو رايكم تريحون بالكم من طرق المراقبة الغير مستحبة
وتصادقون اختكم؟
مو احسن؟
تكون انت صديق اختك احسن مما تروح تصادقلهة ذيب
طبعا لازم تكون حباب وياها يعني اتعاملهة مثل متعامل (مو الكل) صديقاتك إن صح التعبير
.....
شوكت اخر مرة كعدت بيهة وية اختك بمطعم؟
وشوكت اخر مرة طلعت وياها
رح تختلف اجاباتكم
الي يقول البارحة
والي يقول قبل شهر
او سنة
او ولا مرة
:
:
سألت نفسك شنو رح تكون ردة فعلهة لو طلعتهة وياك
واذا مثلا رادت تشتري شي تساعدهة بالاختيار وتنصحة بالشي اليعجبك
تدري شنو الاثر الي تتركه بقلبهة؟؟
او تطلع وياها لمطعم تحجيلهة عن الي مضوجك من اشياء متكدر تكولهة لامك وابوك
وهي نفس الشي
هم رح تحجيلك
.
.
.
بس
يمكن رح تكول
مشغول..
ما عندي وكت
مو فاضي الهة
/
/
لو صديقك جان قدمت له عيونك
اذا انت ما فضيتلهة منو يفضالهة؟
تريدهة تدور على رجال غيرك؟؟
واذا دورت رح تلكة
رح تلكه الذياب الي تنطيهة شي انت مانطيتهياه
ليش متحاولون تنطون لاخواتكم شي من وقتكم؟؟؟
حاولوا.....
/
/
/
وانتي يا بنية شنو رح يكون شعورج اذا اخوج هيج سوة؟؟
