مسآآآئكمــ || صبآآحكمـ : ثكــر و حلاوهـ .. عثــل و أشته
(عائلة قطرية تقيم حفل زفاف بهيج لخادمتهم)
فاطمة .. او فطوم فلبينية كما يطلقون عليها .. عملت لدى عائلة قطرية كخادمة مدة 11 سنة متوالية وبدون إجازات .. أحبتهم وأحبوها وأصبحت مثل بنتهم وأختهم .. ففي يوم من الأيام جاءت فاطمة إلى معزبتها ربة الأسرة وقالت : ماما .. انا في رجال يسوي كلام بابا مال انا داخل فلبين .. يبي انا عروس ( الترجمة : خطبني رجال من أبوي في الفلبين )المعزبة : مبرووووك فطوم .. بس انتي ليش زعلانه ؟؟ فاطمة : انا لو في عروس كيف انا بعدين ترشي فلوس ألشان بابا مال انا؟ ( الترجمة : لو انا تزوجت اشلون بعدين اطرش فلوس حق أبوي ؟ )المعزبة : ولايهمج فطوم .. انا ازوجج أحسن زواج وأجيب خطيبج هني الدوحة وأزوجكم وطارت المسكينة الفلبينية من الفرحة .. ومن فرحتها بغت اتخم وتنظف الفريج كله
من هنا بدأت قصة الزواج .. التي تكفل بها مخدومي فطوم ..
أولاً طبعا العائلة تكريما وعرفانا لفطوم والعشرة اللي بينهم جابوا المعرس من الفلبين وعلى حسابهم وسكنوه في بيتهم وعدلوا لهم الغرفة .. صبغ جديد وغرفة نوم وزل على كيفكم .. والمعرس جايب معاه المسكين البدلة السودة ولكن المعزبة قالت حق عيالها فصلوله ثياب وجيبو له بشت .. وبالفعل تم ما أرادت الأم
اما يوم الزواج الرجال والمعازيم من القطريين والفلبينيين المسلمين وحديثي الإسلام .. والعشاء : ذبايح ماشاء الله وفطوم جابوا لها كوشة .. ودي جي أسلامي ( DJ ) .. و بوفيه من أحد المطاعم الفاخرة .. والمعازيم من القطريات والفلبينيات وصديقات فطوم من خادمات الفريج .. وكل هذا على حساب عائلة المرحوم / احمد بن عبدالله العبيدلي وأقيم الحفل في منزلهم العامر في منطقة معيذر بتاريخ 19 / 4 / 2007 .. بصراحة أخنقتني العبرة !!
![][ عائلة قطرية تقيم حفل زفاف بهيج لخادمتهم . .!!( صور) ][ 451](https://2img.net/h/www.lail-alsahara.com/2007/06/451.jpg)
![][ عائلة قطرية تقيم حفل زفاف بهيج لخادمتهم . .!!( صور) ][ 452](alsahara.com/2007/06/452.jpg)
![][ عائلة قطرية تقيم حفل زفاف بهيج لخادمتهم . .!!( صور) ][ 454](https://2img.net/h/www.lail-alsahara.com/2007/06/454.jpg)
![][ عائلة قطرية تقيم حفل زفاف بهيج لخادمتهم . .!!( صور) ][ 455](https://2img.net/h/www.lail-alsahara.com/2007/06/455.jpg)
